كل ما كان المحتوى بتاعك أبسط كل ما كان تأثيره أقوى أنت مش بتكتب رسالة دكتوراه

عارف مشكلتك ايه ؟ إنك شاطر زيادة عن اللزوم أنت غرقان في مجالك لدرجة إنك نسيت الناس العادية بتتكلم وبتفكر إزاي

بتستخدم مصطلحات صعبة وجمل طويلة ومفترض إن الكل هيفهمك .

دي اسمها ” لعنة الخبير” .

الحقيقة المرة

مخ الإنسان هو أكسل حاجة في الكون مهمته الأساسية هي توفير الطاقة .

أي حاجة محتاجة مجهود عقلي عشان تتفهم المخ بيطنشها فوراً وبيروح للحاجة الأسهل

الدراسات بتقول إن متوسط تركيز الإنسان على الإنترنت ما بيعديش 8 ثواني بس — أقل من تركيز السمكة !
فلو أول سطورك مش بسيطة ومباشرة هو فعليًا هيقفل ويمشي

المحتوى الصعب بتاعك هو مجهود عقلي

العلماء بيقولوا إن المخ بيستهلك حوالي 20% من طاقة الجسم علشان كده بيحاول دايمًا يوفرها ويختار الطريق السهل في الفهم

مهمتك مش إنك تبين قد إيه أنت ذكي

مهمتك إنك تخلي جمهورك يحس قد إيه هو ذكي لما بتبسط فكرة صعبة .

، القارئ بيحس ” آه أنا فهمتها أنا ذكي ” الإحساس الإيجابي ده بيرتبط بيك أنت وبالبراند بتاعك الوضوح

قبل ما تنشر أي حاجة اسأل نفسك السؤال ده : ” هل ممكن طفل عنده 12 سنة يقرأ الكلام ده ويفهم الفكرة الأساسية ؟ لو إجابتك لأ

يبقى المقال بتاعك صعب زيادة عن اللزوم امسحه وبسطة .

فكرة واحدة تكسب

بطل تحاول تشرح كل حاجة في مقال واحد كل قطعة محتوى لازم تكون ليها فكرة واحدة وبس

رسالة واحدة واضحة لما تضيف 10 أفكار في مقال واحد النتيجة بتكون صفر أفكار بتوصل.

مثال

قبل ( معقد) : لازم نستغل استراتيجيات تحسين محركات البحث (SEO) عشان نزود الوصول ونقوي النطاق

بعد (بسيط والواضح ) : عايز الناس تلاقيك على جوجل ؟ لازم تستخدم نفس الكلمات اللي بيدوروا بيها … شايف الفرق ؟

بسطها لو فعلاً فاهمها

الدرس الوضوح هو القوة التعقيد ده مجرد كبر بيخبي الجهل لو مش بتعرف تشرح فكرتك ببساطة يبقى أنت نفسك مش فاهمها كويس كفاية

امسك آخر مقال نزلته اقراه بصوت عالي. أي جملة أطول من سطرين وأي كلمة مش بتستخدمها في الكلام العادي… اشطبها

وشوف المقال هتحس انه بقى اقوى

في النهاية الناس مش بتتأثر بالكلام المعقد… بتتأثر بالكلام اللي يخش القلب على طول
فلو عايز الناس تفتكركبسطها. دايمًا البساطة تكسب